Eksperti i Shëndetit Publik, Erion Dasho, ka ngritur shqetësimin për hapjen e shkollave ditën e hënë. Sipas tij është gati e pamundur të zbatohen rregullat të cilat kanë nxjerrë qeveria dhe ministra, nëse nuk ka një buxhet shtesë për blerjen e detegjentëve, maskave dhe punësimin e një stafi shtesë.
Masat ai i konsideron thjesht propagandë, për sa kohë qytetarëve ju duhet të paguajnë gjithçka vetë. Dasho shprehet se hapja e shkollave nuk është e sigurt dhe mund të nisë një tjetër aventurë të rrezikshme për shqiptarët.
Statusi i plotë i ekspertit
KU JANË PARATË?!
Ditën e hënë fillon shkolla. Teorikisht, mësuesit dhe nxënësit do të ruajnë distancën 2m, do të mbajnë maskë gjatë gjithë kohës, sanitarët do të dizinfektojnë klasat disa herë në ditë, korridoret dhe tualetet çdo dy orë, etj., etj.
PERFEKT NË LETËR!!!
Problemi është që për mijëra shkolla që ka Shqipëria, kjo përkthehet në disa miliona Euro çdo muaj: detergjentë, maska (çdo mësues ka nevojë për të paktën 2 maska në ditë), sanitarë shtesë për çdo shkollë, etj.
Në rast nevoje, mësimi duhet të zhvillohet online. Ka familje që nuk kanë mundësi të paguajnë pajisje smart dhe lidhje me internet. Miliona të tjera nevojiten…
Të nxjerrësh vendime dhe udhëzime është e lehtë!
Të bësh video propagandistike po ashtu është e lehtë!
Kur këto “masa” mbeten thjesht në kufijtë e propagandës, rrezikojmë një situatë të dytë si ajo ku qytetari paguan vetë për testin, pacienti paguan vetë për trajtimin në shtëpi, familjari paguan për respiratorin CPAP në spital, kurse komiteti mburret se mjekimi për COVID po jep rezultate të kënaqshme…
PLANIFIKIMI, ORGANIZIMI, FINANCIMI DHE ZBATIMI I MASAVE ANTI-COVID ËSHTË THELBI I ÇËSHTJES!
JO NË 14 SHTATOR, POR ÇDO DITË TË VITIT SHKOLLOR!
JO VETËM NË KUSHTET E VERËS, POR EDHE NË SHI, BORË, NGRICË, ETJ!
PËRNDRYSHE, SHKOLLAT JANË DUKE U HAPUR NË MËNYRË TË PASIGURT, DUKE RINISUR NJË TJETËR AVENTURË TË RREZIKSHME PËR SHËNDETIN E SHQIPTARËVE!
