Më shumë se gjysmë milioni njerëz në shtetin amerikan të Oregonit po largohen nga zjarret vdekjeprurëse që janë ndezur nëpër Paqësorin Veriperëndimor, thonë autoritetet.
Të ndjekur nga erëra të pazakonta të nxehta e të thata, dhjetëra zjarre po përfshijnë shtetin dhe të paktën një po trajtohet si zjarrvënie e dyshuar.
Guvernatori Kate Brown tha se numri i saktë i viktimave nuk dihej ende, megjithëse të paktën katër u konfirmuan.
Oregoni, Kalifornia dhe Uashington po vuajnë zjarret, të cilat në disa raste kanë shkatërruar qytete të tëra. Vetëm në Kaliforni, të paktën 10 vdekje janë konfirmuar.
Rreth 4.4 milion hektarë janë rrafshuar, sipas Qendrës Kombëtare të Zjarrit – zonë pak më e vogël se Uellsi.
Të enjten në mbrëmje, Zyra e Oregonit për Menaxhimin e Emergjencave konfirmoi shifrat më të fundit të evakuimit, të cilat arrijnë në më shumë se 10% të popullsisë së shtetit prej 4.2 milionë.
Rich Tyler, një zëdhënës i zyrës së Marshallit të Zjarrit të Oregonit, i tha New York Times: “Kur ka zjarr që digjet nëpër shtëpi dhe biznese, ka linja të hapura gazi që ende nxjerrin gaz natyror dhe ato po digjen. ”
